FAREL, à ochji aparti...

Sarreti l'ochji.
Una cità tamanta, à l'annuttà.
L'omu hè solu è pari spapersu, furmicula minuta à mezu à i grattaceli è à i palazzi alluminati… : una stretta qui, a Traversa culà, è po stu ponti tamantu…Hè à u crucivia di a so vita propria.
Paura un hà, è viaghja, com'è in cerca di mondi novi. A musichetta chi u chjama un la pudeti micca senta. In fondu à u carrughju u piu desertu è u piu bughju di u corpu di a cità, l'aspetta u jazz…
Piglietivi di curaghju è spalancheti a porta di ista cantina…

Sarreti l'ochji.
Hè notti, l'omu stà arrittu vicinu à u piano.
Cio chi l'abbagliacheghja, sarà a peddi mora di isti donni chi so qui, vicinu à eddu, vistuti di stofa di lumi è d'oru.
Lachetivi purtà com'è eddu da i noti turchini scappati da i sturmenti è tiniti à menti chi tuttu hè pussibuli sta sera. L'ochji chi u fighjulani un li pudeti micca veda. In fondu à u currido u piu strettu di a cantina, l'aspetta l'amori.
Piglietivi di curaghju è intriti puri…

Sarreti l'ochji.
L'omu un si vedi piu.
Ind'a fumaccia pagna di a vazza di u hammam, i donni mezu spugliati parini abbandunati à u so solu piacè.
Andeti à sceglia incun' eddu quidda chi li hà da fà tuccà u celi.
Forsi ghjà i mani chi u carrezzani i pudareti senta….
Pigietivi di curaghju è …apriti l'ochji.

Un era micca un sonniu, hè a pittura di FAREL.

Ghjuvanghjacumu TORRE

FAREL, les yeux ouverts…

Fermez les yeux.
Une ville immense, à la tombée de la nuit.
L'homme est seul et semble perdu, petite fourmi aux pieds des gratte-ciel et des tours illuminées… : une ruelle ici, l'Avenue là, et puis ce pont immense…Il est au carrefour de sa propre vie.
Il marche sans peur, comme à la recherche de mondes nouveaux. Une petite musique l'appelle, mais vous ne pouvez pas l'entendre. Au fond de la rue la plus sombre et la plus déserte du ventre de la ville l'attend le jazz…
Prenez votre courage à deux mains et ouvrez la porte de cette cave…

Fermez les yeux.
Il fait nuit, l'homme se tient debout près du piano.
Ce qui l'éblouit, c'est sans doute la peau des femmes, vêtues d'étoffes d'or et de lumière.
Laissez-vous porter comme lui par les notes bleues qui s'échappent des instruments et sachez que, ce soir, tout est possible. Des yeux le fixent, mais vous ne pouvez pas les voir. Au fond du couloir le plus étroit de la cave l'attend l'amour…
Prenez votre courage à deux mains et entrez donc…

Fermez les yeux.
L'homme n'y est plus.
Dans le brouillard épais de la vapeur du hammam, des femmes dévêtues semblent abandonnées à son seul plaisir.
Choisissez avec lui celle qui lui fera toucher le ciel.
Alors peut-être sentirez-vous ces mains qui le caressent…
Prenez votre courage à deux mains et…ouvrez les yeux.

Ce n'était pas un rêve, c'est la peinture de FAREL.

Jean-Jacques TORRE